د افغانستان د زده کړو ځلانده ستوري موسسه یو غیر انتفاعی، غیر دولتي او غیر سیاسي بنسټ دی چې د 11/9/1396 نیټې او 4388 شمیره جواز سره د هیواد په اقتصاد وزارت کې ثبت او ر اجستر ده. د دغې موسسې د جوړیدو موخه د افغانستان په لري پرتو سیمو کې د افغان ښځو او انجونو د پوهې، تربیې او د هوسا ژوند لپاره د آسانتیاوو چمتو کول دي.
د افغانستان د زده کړو ځلانده ستوري موسسې تل هڅه کړي چې د افغان ښځو او انجونو د پرمختګ لپاره د زده کړو فرصتونه رامنځته کړي، دغه بنسټ د هیواد په کابل، کاپیسا، ننګرهار، کنړ، لغمان او بدخشان ولایتونو کې د ښځو او انجونو د وړتیاوو لوړولو او توانمند کیدو په موخه روزنیزپروګرامونه، د سواد د زده کړو برنامه، د سولې ترویج او نورو بیلابیلو برخو کې دوامداره فعالیتونه ترسره کړي دي.
د افغانستان د زده کړو ځلانده ستوري موسسه په دي باور ده چې د ټولنې نیمايي برخې یعني د ښځو او انجونو له ښوونې او روزنې څخه پرته په افغانستان کې سوله او شګوفايي ناشونې ده، له همدې امله د هیواد کې د افغان میرمنو او انجونو لپاره د تعلیمي او هوسا ژوند د مهارتونو د زده کړو د آسانتیاوو رامنځته کول، زموږ ماموریت ده.
